GARDENTASUNA

Esanahia Administrazio Publikoei dagokienean

Herritarrei, gobernuko eta beronen kudeaketako gaiei buruzko informazioa ematea.

Helburuak

  1. Administrazio publikoak bere lanari buruzko informazioa ematea.
  2. Kudeaketa publikoa hobetzea.
  3. Administrazio publikoen eta mendeko erakundeen funtzionamendua eraginkorragoa izatea.

Gardentasuneko Foru Araua

2016ko apirilaren 23an

sartu zen indarrean

Irakurketa errazera moldatu da, herritar guztiek errazago irakurtzeko

Online bertsioa

ZER DA GARDENTASUNA

Gardentasuna politika publiko bat da eta 3 ardatz hauek ditu:

  1. Publizitate aktiboa: administrazioak informazio publiko garrantzitsua eskaintzea. Bizkaiko Foru Aldundiaren kasuan, informazio hori Gardentasun atarian argitaratzen da.
  2. Informazioa eskuratzeko eskubidea: bermatzea edozein pertsonak informazio publikoa eskuratzea.
  3. Elkarlaneko Gardentasuna: herritarren parte-hartzea sustatzea.

Publizitate aktiboa aldizka eta eguneratuta argitaratu beharreko informazioa da,gardentasuna bermatzeko legeak ezartzen duen bezala. Informazio hau modu argi, egituratu eta ulergarrian argitaratu behar da, eta, ahal izanez gero, berrerabiltzeko formatuetan.

Pertsona fisiko eta juridiko guztiek informazio publikoa eskuratzeko eskubidea dute.

Zer da informazio publikoa?

  • Administrazio Publikoak duen edozein eduki edo dokumentu.
  • Edozein euskarri edo formatutakoa.
  • Administrazio horrek bere eginkizunen barruan egin edo eskuratu duena

Elkarlaneko Gardentasuna lotuta dago datuak modu irekian (Open Data)* eskaintzearekin eta informazioa berrerabiltzearekin. Horrela herritarren parte hartzea bideratzen da politika publikoak sustatu, diseinatu, betearazi, ebatzi edo ebaluzatzeko lanetan.

*Datu irekien kontzeptua (open data, ingelesez) filosofia eta praktika bat da, eta haren helburua da datu mota jakin batzuk mundu guztiarentzat libreki eskuragarri egotea, egile-eskubideen, patenteen edo beste kontrol-mekanismo batzuk murriztu gabe.

GURE KONPROMISOA

Gardentasuna beti izan da Aldundi honen bertuteetako bat. 2015. urtean, Estatu mailako lurralde erakunderik gardenena izatea aitortu zitzaigun. Bide beretik jarraitu dugu lanean eta atari hau beste urrats bat gehiago da Bizkaiko Foru Aldundi gardenago, parte-harzaileago eta irekiago baterantz egiten ari garen bidean.

Gure Gobernuarentzat zeregin hori helburu estrategiko bat da, jakin badakigulako gardentasun-mailarik handienak dituzten herrialdeak direla erakunderik indartsuenak dituztenak. Eta ekintzak bat datoz gure hitzekin: Bizkaiak badu Gardentasuneko Foru Araua, Estatu mailako gardentasunari buruzko araudi aurreratueneko bat, hain zuzen ere.

Gure nahia da bizkaitarrek ahalik eta ondoen eta zabalen jakin dezaten Aldundiak zer egiten duen eta zelan erabiltzen dituen baliabideak.

Aldaketak ez dira goizetik gauera gertatzen. Denbora behar izaten da, baina aldaketa honek ez du jadanik atzerakorik. Atari honetatik aurrera jarraitzen dugu Aldundi modernoago, hurbilago eta gardenago baterantz egin nahi dugun bidean. Goazen.

GERTAERA GARRANTZITSU NAGUSIAK

Gardentasunerantz bidea

  • 2023(e)ko abenduakren 21(a)

    2023-2025erako Bizkaiko Gardentasunaren eta Datu Irekien Foru Plana onartzea

  • 2023(e)ko martxoakren 29(a)

    2020-2022 Bizkaiko Gardentasunari buruzko Foru Planaren ebaluazioa aurkeztea

  • 2020(e)ko uztailakren 28(a)

    2020-2022rako Bizkaiko Gardentasunaren eta Datu Irekien Foru Plana onartzea

  • 2020(e)ko maiatzakren 19(a)

    2017-2019 Bizkaiko Gardentasunari buruzko Foru Planaren ebaluazioa aurkeztea

  • 2020(e)ko maiatzakren 4(a)

    2019ko gardentasunaren urteko memoria argitaratzea

  • 2020(e)ko apirilakren 30(a)

    Foru-entitateetako gardentasun atariak eguneratzea eta berritzea

  • 2020(e)ko martxoakren 3(a)

    Argitaratzea irakurketa errazeko edizioan beste 6 zerbitzu-karta berri

  • 2019(e)ko abenduakren 9(a)

    BFAko gardentasunari eta datu irekiei buruzko 2020-2022 hiru urteko plana egiteko lanak abian jartzea.

  • 2019(e)ko azaroakren 28(a)

    OGP ekimenaren esparruan argitaratzeko eta zerbitzuak sortzeko izan litezkeen datu-familiak definitzea.

  • 2019(e)ko azaroakren 27(a)

    Irakurketa errazeko irizpideetara egokitutako beste 6 zerbitzu-karta argitaratzea

  • 2019(e)ko ekainakren 20(a)

    Bizkaia Gardena atariko edukiak irakurketa errazeko irizpideetara egokitzea

  • 2019(e)ko maiatzakren 14(a)

    Open Data Bizkaia atarian toki-erakundeen datasetak sartzea

  • 2019(e)ko apirilakren 11(a)

    Lehen bistaratze grafikoak Bizkaia Gardena atarian

  • 2019(e)ko martxoakren 11(a)

    2018ko gardentasunaren urteko memoria argitaratzea

  • 2018(e)ko azaroakren 20(a)

    Argitaratzea lehen 7 zerbitzu-kartak: Foru Liburutegia, Eskualdeko Nekazaritza Bulegoak, Garbiguneak, Arreta Goiztiarra, Kontratazio Zentrala, Bekoetxe eta Lurgorri eguneko zentroak

  • 2018(e)ko maiatzakren 30(a)

    Hirugarren sektoreko erakunde pribatuentzako gidaren aurkezpena

  • 2018(e)ko martxoakren 27(a)

    2017ko gardentasunaren urteko memoria argitaratzea

  • 2018(e)ko otsailakren 22(a)

    ELGArekin "Gobernu irekiaren erreformak Bizkaia modernoago, hurbilago eta arduratsuago baterako" azterlana egiteko akordioa sinatzea.

  • 2018(e)ko otsailakren 12(a)

    Open Data Bizkaia abian jartzea eta formatu ireki eta berrerabilgarrian datuak argitaratzea.

  • 2017(e)ko abenduakren 4(a)

    Udala Zabaltzen 78 hitzarmen sinatzea eta argitaratzea toki erakundeen 13 gardentasun atari

  • 2017(e)ko maiatzakren 2(a)

    Entitate pribatuentzako gardentasun-gidaren aurkezpena

  • 2017(e)ko martxoakren 24(a)

    Gizarte arloko II. Jardunaldi Teknikoa.

  • 2017(e)ko martxoakren 14(a)

    Gardentasunari buruzko Urteko Memoriaren aurkezpena (2015-2016). Gobernu Kontseiluak Bizkaiko Gardentasunari buruzko Foru Plana (2017-2019) aurkeztu eta onartu zuen

  • 2017(e)ko urtarrilakren 27(a)

    Gizarte arloko I. jardunaldi teknikoa. Gardentasunari buruzko foru arauari buruz.

  • 2016(e)ko uztailakren 26(a)

    Erreklamazioen Batzordearen antolakuntza eta funtzionamendu-araudia onartu dugu 128/2016 Foru Dekretuaren bidez.

  • 2016(e)ko maiatzakren 11(a)

    Bizkaiko Gardentasunari buruzko Foru Araua erraz irakurtzeko edizioan argitaratzea

  • 2016(e)ko maiatzakren 3(a)

    Gobernu Kontseiluaren Erabakibidez Gardentasunaren Atariaren xehetasun eta edukiak arautu ziren.

  • 2016(e)ko apirilakren 26(a)

    Bizkaiko Foru Aldundiak bere Gardentasunaren Atari berria abiarazi zuen: gardentasuna.bizkaia.eus

  • 2016(e)ko apirilakren 4(a)

    Bizkaiko Foru Aldundiak gardentasunari buruzko foru arauaren Irakurketa Erreazerako Egokitzapena argitaratu zuen.

  • 2016(e)ko otsailakren 17(a)

    Bizkaiko Batzar Nagusiek Bizkaiko Gardentasunari buruzko Foru Araua onartu zuten.

  • 2015(e)ko abenduakren 29(a)

    Bizkaiko Foru Aldundiak lehen postua lortu zuen diputazioen INDIP 2015 gardentasun indizean

  • 2015(e)ko abenduakren 11(a)

    Bizkaiko Foru Erakunde guztien gardentasunaren atariak sortu ziren.

  • 2015(e)ko abenduakren 3(a)

    BiscayTIKen toki erakundeentzako gardentasunari eta datuen babesari buruzko 3.jardunaldia egin zen.

  • 2015(e)ko urriakren 6(a)

    Gobernu Kontseiluak Bizkaiko gardentasunari buruzko foru arauaren proiektua aurkeztu eta onartu zuen.

  • 2015(e)ko uztailakren 1(a)

    Ahaldun Nagusiaren inbestidura-berbaldia. Gardentasuna, legegintzaldiaren funtsezko konpromisoetariko bat

GARDENTASUNARI BURUZKO FORU PLANA

GARDENTASUNAREN ETA DATU IREKIEN FORU PLANA 2023-2025

2023-2025erako Bizkaiko Gardentasunaren eta Datu Irekien Foru Plana onartu zen, 2023ko abenduaren 21ean egindako Gobernu Kontseiluan. Plan horri dagokionez:

  • Bizkaiko Gardentasunari buruzko otsailaren 17ko 2016/1 Foru Arauan jasotako konpromisoa da.
  • Gardentasunari buruzko Aldundiko 3. Plana da, eta gardentasunarekin jarraitzea du helburu.
  • Oinarritzen da argitaratzen diren edukiak argiago azaltzean eta barne-kudeaketako prozesuetan gardentasuna txertatzean.
  • Berritasun gisa integritate ardatz bat txertatzen du.

EKINTZAK

Planean barne hartu diren 36 ekintzek 4 ardatz dituzte oinarri:

  1. Gardentasuna.
  2. Datu Irekiak.
  3. Gobernu Ona.
  4. Integritatea.

pdf Gardentasunaren eta Datu Irekien Foru Plana 2023-2025 (pdf 6,8 MB)