Zerbitzu karta: Prebentzio, suhiltzaile eta salbamendu zerbitzua

GURE ZERBITZUAK

    • AHOLKU EMATEA erakunde, enpresa eta partikularrei gure langileen esperientzia, ezagutza teknikoak eta espezializazioa oinarri hartuta.
    • Zerbitzuarekin batera jardun dezaketen beste arlo zein zerbitzu batzuetako profesionalak TREBATZEA.
    • HERRITARRAK INFORMATU ETA SENTSIBILIZATZEA, bereziki gizatalde sentiberenak, aurrea hartzeko eta hasierako uneetan jarduteko teknikei buruz, horretarako hitzaldiak, kanpainak, bisitaldiak suhiltzaile-etxera, etab. eskainiz.
    • Zerbitzuko langileen prestakuntza KOORDINATZEA: lurraldeari buruzko ezagutza, arriskuak, zurgarriak (pertsonak, ondasunak, ingurumena…), beste agentzia batzuekiko koordinazioa eta prebentzio eraginkorrerako bestelako alderdi garrantzitsuak.

  2. Suaren Aurka Jardutea eta Pertsonak, Ondasunak eta Ingurumena Babestea Bizkaian gertatzen diren ezbehar guztietan.

    Arriskuaren mailaren arabera, ezbeharrak ondorengoetan sailkatzen dira:

    • Larritasun handikoak: egiturazko, industria- eta landa-suteak; lehergailuak; trafiko-istripuetako salbamenduak; salerosgai arriskutsuekin izandako istripuak.
    • Larritasun ertainekoak: hiriko erreskateak, suizidio-mehatxuak, arriskuan dauden pertsonak dituzten etxebizitzetan sartzea, sute-arriskua duten etxebizitza itxietan sartzea, gas-ihesak, kolapsatutako egituretan bilatzea eta erreskatatzea.
    • Larritasun txikikoak: arriskurik gabeko etxebizitza itxietan sartzea eta eraikuntzen sendotzea.
    • Premiazkoak ez diren esku-hartzeak: baso-suteak*, landa-erreskateak*, zuhaitzak eta erleak kentzea, xukatzea, prebentzioerretenak, ur-hornidurak, galtzaden garbiketa, simulakroak, arrisku-bisita zehatzak, ikerketa eta prebentzioa.

      (*) Baso-suteek eta landa-erreskateek, nahiz eta lehentasun handiko esku-hartzeak izan, sarritan zaildu egiten dute erantzuteko denboraren konpromisoa, askotan komunikazio-bideetatik urrun dauden eremuak direlako, sarbide zailekoak eta oinez joan beharrekoak.

    Beharrezko GIZA-BALIABIDEAK ETA BALIABIDE-MATERIALAK ESKURA JARTZEA aurreko esku-hartzeak gauzatu ahal izateko.

    ARRETA EGOKIA eskaintzea biktima eta kaltetuei.

    Egindako esku-hartzeei buruz eskatutako eta beharrezkoak diren txostenak EGITEA.

    Zerbitzuei eta erabiltzaileen eskubide eta betebeharrei buruzko araudia kontsultagarri dago zerbitzu karta testu osoa jasotzen duen agirian:

GURE KONPROMISOAK

  1. GURE KONPROMISOAK

    Suteen aurkako prebentzioari eta esku-hartzeari buruzko informazio-, aholkularitza- eta sentsibilizazio-zerbitzua eskaintzea erakunde, pertsona partikular edo enpresei.

    Horretarako, honako hauek egingo ditugu:

    1. Dibulgazio hitzaldiak edo urteroko jardunaldiak (gutxienez, urtean 5).
    2. Komunikazio eta sentsibilizazio kanpaina (urtean 1).
    3. Bisita gidatuak eta erakustaldiak (eskaerak jaso ahala).
    4. Suteen aurkako prebentzioari buruzko informazio eguneratua duen webgunea.

    NOLA NEURTZEN DITUGU

    1. Urtean egindako dibulgazio hitzaldien edo jardunaldien kopurua.
    2. Komunikazio eta sentsibilizazio kanpainen kopurua.
    3. Egindako bisita gidatuen kopurua.
    4. Egindako erakustaldien kopurua.

  2. GURE KONPROMISOAK

    1. Zerbitzuko profesionalek baretasuna eta lasaitasuna sentiaraztea erabiltzaileei, enpatizatuz eta egoera aintzat hartuz, asebetetze-inkestan, batez beste, 8,5etik gorako puntuazioa lortzen.
    2. Zerbitzuaren esku-hartzea eraikinetako kaltea minimizatzen saiatuz egingo da, larrialdi-egoerarekin lotutako arriskua aintzat hartuz, asebetetze-inkestan, erantzun gehienek esku-hartzea egokitzat jotzea lortzen.
    3. Webgunearen bidez hurrengo informazioa ematea: suteak saihesteko gomendio eta jarraibideak, dauden parke, ibilgailu eta profesional kopurua, azalera (km2-tan) eta estalita edo artatzen den biztanleria.
    4. Zerbitzuaren esku-hartzeari buruzko txostenak egitea, erabiltzaileak aldez aurretik eskatuta, eta idatziz ematea eskatu den bide beretik, gehienez 15 egun balioduneko epean kasuen %90ean, eta 30 eguneko epean, gainerako kasuetarako*.
    5. Larritasun maila handiko larrialdiak 20 minututan, eta gehienez 30 minututan erantzutea, esku-hartzeen %95ean**.
    6. Larritasun maila erdiko larrialdiak 25 minututan, eta gehienez 35 minututan erantzutea, esku-hartzeen %90ean**.
    7. Larritasun maila txikiko larrialdiak 35 minututan, eta gehienez 45 minututan erantzutea, esku-hartzeen %80ean**.
    8. Premiazkoak ez diren esku-hartzeetarako zerbitzu egokia eskaintzea, asebetetze-inkestan, batez beste, 8tik gorako puntuazioa lortzen.

    NOLA NEURTZEN DITUGU

    1. Erabiltzaileen asebetetzea baloratuz, zerbitzuko langileen baretasuna, lasaitasuna eta egoera aintzat hartzeari dagokionez.
    2. Erabiltzaileen asebetetzea baloratuz, esku-hartzearen ondorioz eraikinetan izandako kalteei dagokionez.
    3. Webgunearen bidez emandako informazioa: suteak saihesteko gomendio eta jarraibideak, dauden parke, ibilgailu eta profesional kopurua, azalera (km2-tan) eta estalita edo artatzen den biztanleria.
      • 15 egun baino lehen egindako txostenen ehunekoa.
      • 30 egun baino lehen egindako txostenen ehunekoa.
      • Larritasun maila handiko larrialdiei erantzuteko batez besteko denbora.
      • 30 minutu baino gutxiagoan erantzundako larritasun maila handiko larrialdien ehunekoa.
      • Larritasun maila ertaineko larrialdiei erantzuteko batez besteko denbora.
      • 35 minutu baino gutxiagoan erantzundako larritasun maila ertaineko larrialdien ehunekoa.
      • Larritasun maila txikiko larrialdiei erantzuteko batez besteko denbora.
      • 45 minutu baino gutxiagoan erantzundako larritasun maila ertaineko larrialdien ehunekoa.
    8. Erabiltzaileen asebetetzea baloratuz, premiazkoak ez diren esku-hartzeetarako zerbitzuari dagokionez.

    *OHARRA: Zerbitzuaren garapenarekin zerikusirik ez duten arrazoiengatik denborak betetzea ezinezkoa den egoeretan izan ezik.

    **OHARRA: Zerbitzuarenak ez diren kausengatik denborak betetzea ezinezkoa denean izan ezik. Era berean, gehieneko denborak gainditu dituzten egoeren kausak aztertuko dira, larrialdi-mailaren arabera.

    • Larritasun maila handia: egiturazko, industria- eta landa-suteak, lehergailuak, trafiko-istripuetako salbamenduak, salerosgai arriskutsuekin izandako istripuak.
    • Larritasun maila ertaina: Hiriko erreskateak, suizidio-mehatxuak, arriskuan dauden pertsonak dituzten etxebizitzetan sartzea, sute-arriskua duten etxebizitza itxietan sartzea, gas-ihesak, kolapsatutako egituretan bilatzea eta erreskatatzea.
    • Larritasun maila txikia: Arriskurik gabeko etxebizitza itxietan sartzea eta eraikuntzen sendotzea.
    • Premiazkoak ez diren esku-hartzeak: baso-suteak, landa-erreskateak, zuhaitzak eta erleak kentzea, xukatzea, prebentzio-erretenak, ur-hornidurak, galtzaden garbiketa, simulakroak, arrisku-bisita zehatzak, ikerketa eta prebentzioa.

  3. GURE KONPROMISOAK

    1. Erabiltzaileei arreta pertsonalizatua, tratu atsegina eta profesionala eskaintzea, asebetetze-inkestan, batez beste, 8,5etik gorako puntuazioa lortzen.
    2. Zerbitzurako aproposak diren babes pertsonaleko ekipamendu eta ibilgailuak eskaintzea, asebetetzeinkestan, erantzun gehienek ekipamendu eta ibilgailuen hornidura egokitzat jotzea lortzen.

    NOLA NEURTZEN DITUGU

    1. Erabiltzaileen asebetetzea baloratuz, suhiltzaileen zerbitzuko langileen aldetik jasotako arreta pertsonalizatua, tratu atsegina eta profesionalari dagokionez.
    2. Erabiltzaileen asebetetzea baloratuz, babes pertsonaleko ekipamendu eta suhiltzaileen ibilgailuei dagokionez.

    Konpromisoen betekizun maila urtero argitaratzen da honako hauetan:

    Konpromisoak ez betetzeagatik egin nahi diren kexak, erreklamazioak edo iradokizunak bideratu daitezke www.bizkaia.eus/bomberos webgunean eskuragarri dagoen formularioaren bitartez edo DFB horretarako dituen bestelako bideak erabiliz. Jasotako kexa, erreklamazio edo iradokizunen %90 15 egun balioduneko epean, gehienez, erantzungo dira eta gainerako %10a, gehienez, 30 egun balioduneko epean, zerbitzuak jasotzen dituen egunean zenbatzen hasita.

    Zuzenketa- eta konpentsazio-neurriak zerbitzu kartaren dokumentu osoan kontsulta daitezke.

ZERBITZU KARTAREN UNITATE ARDURADUNA:

Larrialdien Zuzendaritza Nagusia

Itzuli