Bizkaiko Kontratazio Zentral Foralaren Esparru-Akordioak

Hemen Bizkaiko Kontratazio Zentral Foralak kudeatutako esparru-akordioei buruzko informazioa aurkituko duzu.

Esparru-akordioa kontratazioan behar diren baliabideak arrazionalizatzeko tresna da. Esparru-akordio horietako kontratuetan aplikatzen diren zenbait baldintza edo termino ezartzen dira. Baldintza horiek hainbat erakunde publikok batera lizitatzeko ezartzen dira.

Bizkaiko Foru Aldundiaren esparru-akordioei buruzko informazio guztia kontsultatzeko: Bizkaiko Kontratazio Zentral Forala.

Bizkaiko Kontratazio Zentral Forala uztailaren 20ko 125/2016 Foru Dekretua-ren bitartez sortu eta osatu zen, apirilaren 17ko 51/2018 Foru Dekretua-ren bitartez aldatu zen (eta hutsen zuzenketa).

Sektore Publikoko Kontratuen Legeak (1) ezartzen du sektore publikoko erakundeek programatuko dutela aurrekontu-ekitaldi batean edo urte anitzeko aldietan egingo duten kontratazio publikoko jarduera, eta aldez aurretik jakinaraziko dutela beren kontratazio-plana.

(1) Azaroaren 8ko Sektore Publikoko Kontratuen 9/2017 Legearen 28.4. artikuluan xedatzen denez, Espainiako ordenamendu juridikora ekartzen dira Europako Parlamentuaren eta Kontseiluaren 2014ko otsailaren 26ko 2014/23/EB eta 2014/24/EB Zuzentarauak (272 EAO, azaroaren 9koa).

Bizkaiko Foru Aldundiaren Gobernu Kontseiluak Bizkaiko 2026 Urteko Kontratazio-Plana onartu zuen 2025eko abenduaren 18an.

Bizkaiko Foru Aldundiaren kontratuei buruzko informazioa "Kontratazio publikoa" gunean dago. Gune honetan honako informazioa aurkituko duzu:

LIZITAZIOAK:

• Aribideko Lizitazioak.
• Lizitatzaileen Erregistroa.

KONTRATUAK:

Kontratuen Erregistroa.

Aldundiaren kontratuei buruzko, hiru hilean behingo informazio guztia, OpenDataBizkaia datu irekien atarian aurkituko duzu: Txikiak ez diren kontratuak BFA.

Horrez gain, Euskal Autonomia Erkidegoko Kontratuen Erregistrora sartzeko aukera dago.

OSAERA ETA DEIALDIAK

Bizkaiko Kontratazio Mahai Nagusiaren osaera Bizkaiko Foru Aldundiaren martxoaren 13ko 32/2018 Foru Dekretuan arautzen da (2).

Kontratazio Mahai Nagusia eratzeko, beharrezkoa izango da honako hauek egotea:

• Mahaikideen gehiengo osoa.
• Betiere, mahaiburua, idazkaria eta aholkularitza juridikoko eta ekonomiaren eta aurrekontuaren arloko mahaikide biak.

(2) Dekretu horren bidez aldatzen da Herri Administraziorako eta Erakunde Harremanetarako Sailaren Egitura Organikoari buruzko Erregelamendua onesten duen Bizkaiko Foru Aldundiaren 2016ko maiatzaren 10eko 86/2016 Foru Dekretuaren bigarren xedapen gehigarria.

Sektore Publikoko Kontratuen buruzko 9/2017 Legearen 118.1 artikuluak ezartzen duenez, hauek dira kontratu txikiak:

• 40.000 eurotik beherakoak (obra kontratuak badira).
• 15.000 eurotik beherakoak (bestelako kontratuak badira)

Kontratu txikiek ezin dute iraun urtebete baino gehiago, eta ezin dira luzatu ere.

Bizkaiko Foru Aldundiaren kontratu txikiei buruzko informazioa EAEko Kontratuen Erregistroan aurkituko duzu.

OpenDataBizkaia webgunean ere, BFAren kontratuei buruzko hiruhileroko informazioa aurki dezakezu: BFAren kontratu txikiak.

Bizkaiko Foru Aldundiak eta botere esleitzaile (kontratu publikoak eslei ditzaketen erakundeak) diren foru-erakundeek beste pertsona juridiko (pertsona juridiko publikoak edo pribatuak izan daitezke, betiere bitarteko propio pertsonifikatu gisa kalifikatuta badaude) bati enkargatu ahal dizkiote obrak, hornidurak, zerbitzuak, obren eta zerbitzuen emakida, baldin eta bitarteko propio pertsonifikatutzat kalifikatuta badaude), Sektore Publikoko Kontratuen 9/2017 Legearen 32. artikuluaren arabera.

Bizkaiko Foru Aldundiaren Gobernu Kontseiluaren 2018ko maiatzaren 22ko Erabakiaren bidez, honako foru-erakunde hauek Bizkaiko Foru Aldundiaren bitarteko propio pertsonifikatuak direla ezarri zen:

• INTERBIAK S.A.U.
• AZPIEGITURAK S.A.U.
• LANTIK S.A.
• ZUGAZTEL S.A.
• GARBIKER A.B. S.A.
• BIZKAIKO BASALAN S.A.

Bizkaiko Foru Aldundiak bere bitarteko propioei egindako enkarguei buruzko informazioa Aldundiaren interneteko atarian aurkituko dituzu, dagokion urteko "Bizkaiko Foru Aldundia: Kontratuak, hitzarmenak, mandatuak, gomendioak eta diru-laguntzak" atalean.

Halaber, Euskadiko Kontratazio Plataformaren "Iragarkiak bilatzea" atalean aurkituko dituzu, "baliabide propioei egindako enkarguaren" arabera iragazten.

Aldundiaren Interneteko atarian adjudikatutako kontratuei buruzko informazio estatistikoa aurki dezakezu, eta bilaketa hau egin dezakezu:

• Esleipen-prozedura motaren arabera.
• Kontratu motaren arabera.

Hitzarmenak eta kudeaketa-aginduak administrazioen eta erakunde publikoen arteko lankidetza-tresnak dira.

Hitzarmenen bidez, bi edo gehiagoren arteko interes komuneko konpromisoak eta jarduketak formalizatzen dira. Hitzarmenak Sektore Publikoaren Araubide Juridikoaren urriaren 1eko 40/2015 Legearen Atariko Tituluaren VI. kapituluan araututa daude.

Bestalde, kudeaketa-gomendioa administrazio-organoek edo zuzenbide publikoko erakundeek beste administrazio-organo edo zuzenbide publikoko erakunde batzuei, administrazio berekoei zein beste administrazio batekoei, beren eskumeneko jarduera material edo teknikoak egiteko enkargua emateko erabiltzen duten tresna da, eraginkortasun-arrazoiengatik edo jarduera horiek gauzatzeko baliabide tekniko egokirik ez dutenean. Kudeaketa-gomendioak aipatutako 40/2015 Legearen 11. artikuluan araututa daude.

Aurrekontuen eta Kontu Publikoen Atarian ("Kontratuak, hitzarmenak, mandatuak, gomendioak eta dirulaguntzak" atalean, AURREKONTU ETA KONTABILITATE BETEARAZPENA-ren barruan) lankidetza-tresna horiei buruzko informazio ekonomikoa kontsulta daiteke. Orrialdearen goiko aldean, eskuinaldean, urtea aukeratu daiteke, eta, «ERAKUTSI» botoian klik egin ondoren, urte horri dagozkion datuak bistaratzen dira.

Era berean, Open Data Bizkaian eskuragarri dago "Hitzarmenak" datu-multzoa, Bizkaiko Foru Aldundiak sinatutako hitzarmenen aurrekontu- eta ekonomia-exekuzioari buruzko datu irekiak eskaintzen dituena.

Azkenik, beherago dagoen «Hitzarmenen eta kudeaketa-gomendioen kontsulta» atalean, Bizkaiko Foru Aldundiak parte hartzen duen hitzarmenen eta kudeaketa-gomendioen testu osoak kontsulta daitezke.

Bizkaiko Foru Aldundiak urtero egiten du Dirulaguntzen Plan Estrategikoa (BPE). Dokumentu horretan, ekitaldian laguntza publikoak ematea bideratzen duten helburuak, jarduera-ildoak eta irizpideak jasotzen dira. Plan hori erreferentziazko esparrua da foru-dirulaguntzen kudeaketan eraginkortasuna, efizientzia eta gardentasuna bermatzeko.

BPE Bizkaiko Aurrekontu eta Kontu Publikoen atarian kontsulta daiteke, zehazki EKONOMIA, FINANTZA, ONDARE ETA KONTROLEKO INFORMAZIOA -> DIRULAGUNTZEN PLAN ESTRATEGIKOAK atalean. Orrialdearen goiko aldean, eskuinaldean, eskatutako urtea hauta daiteke, eta, «ERAKUTSI» botoian klik egin ondoren, urte horri lotutako datuak aurkezten dira.

Aldundiak emandako dirulaguntzak Aldundiaren interneteko atarian aurkituko dituzu, dagokion urteko "Bizkaiko Foru Aldundia: kontratuak, hitzarmenak, enkarguak, gomendioak eta dirulaguntzak" atalean.

Aldundiak emandako dirulaguntzak ere OpenDataBizkaia atarian aurkituko dituzu: Emandako dirulaguntzak.

Halaber, nahi duzun dirulaguntza zehatza Aldundiaren interneteko atariko Izapideen bilatzailean bila daiteke, dirulaguntza arautzen duten oinarriak ezagutzeko.