Zerbitzu karta: Bizkaiko foru liburutegia

ESKAINTZEN DITUGUN ZERBITZUAK

  1. INFORMAZIOA ETA ORIENTAZIOA:

    Erabiltzaileei informazioa eta orientazioa ematea liburutegiari buruz eta zerbitzuak, baliabideak, etab. erabiltzeko moduari buruz.

    ERREFERENTZIAKO ZERBITZUA:

    Erabiltzaileei laguntza ematea dokumentuak aurkitu eta aukeratzeko datu-baseetan, katalogoetan, etab.

    LINEAKO KONTSULTAK:

    Erabiltzaileek liburutegiari eta bere funtsei buruzko kontsultak egin ditzakete web-orri eta posta elektronikoaren bidez. foru_liburutegia@bizkaia.eus

  2. IRAKURKETA ETA KONTSULTAK ARETOETAN:

    Erabiltzaileek liburutegiaren funtseko liburuak, prentsa, aldizkariak edo bestelako dokumentuak kontsulta ditzakete aretoetan, Bizkaiko ondare hori kontserbatzen eta zabaltzen laguntzeko.

    KATALOGOA INTERNETEN:

    Dokumentuak aurkitzea, hainbat bilaketa-aukeraren bitartez. www.bizkaia.eus/foruliburutegia

    DOKUMENTU DIGITALIZATUEN KONTSULTA:

    Lineako sarbidea liburutegiaren funts digitalizatuetara.

    LIBURUTEGIEN ARTEKO MAILEGUA:

    Liburutegiak erabiltzaileei aukera ematen die beste liburutegietatik eskuratzeko liburutegiaren bilduman ez dauden dokumentuak, baita beste liburutegi batzuetako erabiltzaileei Foru Liburutegiaren aleak eman ere.

    ERAKUSKETETARAKO MAILEGUA:

    Liburutegiak bere funtsak eskuratzeko aukera ematen die erakundeei, erakusketak egin ditzaten.

    DOKUMENTUEN ERREPRODUKZIOA:

    Erabiltzaileek dokumentuak inprimatu, fotokopiatu edo digitalizatzeko eska dezakete liburutegian bertan.

  3. JARDUERA KULTURALAK:

    Liburutegiko jarduera kulturalen programa, irakurketa eta sormen literario eta artistikoa sustatzera zuzenduta dago, honako hauen bidez:

    • Ikastaro eta/edo tailerrak.
    • Literatura-lehiaketak.
    • Literaturari buruzko konferentziak edo hitzaldiak.
    • Bestelako batzuk.

  4. PRESTAKUNTZA-JARDUERAK LIBURUTEGIAN:

    Honako prestakuntza-jarduerak eskaintzea erabiltzaileei:

    • Bisita gidatuak (eraikina, liburutegiko zerbitzuak eta bildumak).
    • Informazioa bilatzeari buruzko ikastaroak (Aldizkari Ofizialetan eta liburutegiko beste informazio-iturrietan).
    • Dokumentuak bilatzeko eta eskuratzeko erakustaldi praktikoak.

    INTERNETEKO PRESTAKUNTZA-JARDUERAK:

    Liburutegiaren web-orriak liburutegia ezagutzen eta bertako baliabideak erabiltzen laguntzeko materialak eskaintzen ditu:

    • Liburutegia erabiltzeko gida.
    • Katalogora nola sartu eta erabili.
    • Liburutegiko web-orrira nola sartu eta erabili.

    Zerbitzuei eta erabiltzaileen eskubide eta betebeharrei buruzko araudia kontsultagarri dago zerbitzu kartaren testu osoa jasotzen duen agirian:

GURE KONPROMISOAK

    1. Informazioa eta orientazioa

      GURE KONPROMISOAK
      1. Erabiltzaileei arreta adeitsua, profesionala eta irekia eskaintzea, asebetetze-inkestetan, batez beste, 8tik gorako puntuazioa lortzen.
      2. Erabiltzaileei liburutegiaren funtzionamenduari buruzko aholkuak eta orientabideak ematea, asebetetze-inkestetan, batez beste, 8tik gorako puntuazioa lortzen.
      3. Erabiltzaileei informazioa eskaintzea liburutegian bertan eta liburutegiaren web orrian.
      4. Internet bidez (web edo email) egiten diren kontsulta guztiak 2 egun balioduneko epean erantzutea.
      NOLA NEURTZEN DITUGU
      1. Erabiltzaileen asebetetzea baloratuz, liburutegiko langileen arretari dagokionez.
      2. Erabiltzaileen asebetetzea baloratuz, langileek emandako liburutegiaren funtzionamenduari buruzko aholkuak eta orientabideei dagokienez.
      3. Erabiltzaileei liburutegian eta web orrian eskaintzen zaien informazio kopurua.
      4. Erabiltzaileek internet bidez egindako kontsultei erantzuteko behar den denbora.

    2. Dokumenturako sarbidea

      GURE KONPROMISOAK

      Erabiltzaileei liburu, egunkari eta aldizkari kopuru egokia ematea, asebetetze-inkestetan, batez beste, 8tik gorako puntuazioa lortzen.

      NOLA NEURTZEN DITUGU

      Erabiltzaileen asebetetzea baloratuz, liburu, egunkari eta aldizkarien kopuruari dagokionez.

    3. Jarduera kulturalak

      GURE KONPROMISOAK

      Urtean gutxienez bost konferentzia edo hitzaldi literario, bost tailer eta lehiaketa literario bat eskaintzea.

      NOLA NEURTZEN DITUGU
      1. Eskainitako konferentzia /hitzaldi literarioen kopurua.
      2. Eskainitako tailerren kopurua.
      3. Eskainitako lehiaketa literarioen kopurua.

    4. Erabiltzaileen prestakuntza

      GURE KONPROMISOAK
      1. Arreta pertsonalizatua eskaintzea dokumentuen bilaketan eta atzipenean, asebetetze-inkestetan, batez beste, 8tik gorako puntuazioa lortzen.
      2. Urtean bi prestakuntzako ikastaro espezifiko eskaintzea, gutxienez.
      NOLA NEURTZEN DITUGU
      1. Erabiltzaileen asebetetzea baloratuz, dokumentuak bilatzeko eta atzitzeko arreta pertsonalizatuari dagokionez.
      2. Eskainitako prestakuntzako ikastaro espezifikoen kopurua.

  • GURE KONPROMISOAK

    1. Instalazio garbiak, zainduak eta erosoak eskaintzea; asebetetze-inkestetan, batez beste, 8tik gorako puntuazioa lortzen.
    2. Erabiltzaileen % 100i areto irisgarriak eskaintzea, asebetetze-inkestetan, batez beste, 8tik gorako puntuazioa lortzen.

    NOLA NEURTZEN DITUGU

    1. Erabiltzaileen asebetetzea baloratuz, instalazioen garbitasuna eta erosotasunari dagokienez.
      • Mugikortasun urriko pertsonentzako areto irisgarrien ehunekoa (%).
      • Erabiltzaileen asebetetzea baloratuz, aretoen irisgarritasunari dagokienez.

    Konpromisoen betekizun maila urtero argitaratzen da honako hauetan:

    Konpromisoak ez betetzeagatik egin nahi diren kexak, erreklamazioak edo iradokizunak, Kexak eta iradokizunak aurkezteko Bizkaiko Foru Liburutegiaren inprimakiaren bidez, liburutegiaren web-orriko «Kontaktatu» atalaren bidez www.bizkaia.eus/kultura/foru_liburutegia/kontaktua liburutegiaren helbidera foru_liburutegia@bizkaia.eus. eus posta elektronikoko mezu bat bidaliz, edo Bizkaiko Foru Aldundiak horretarako dituen bestelako bideak erabiliz bideratu daitezke, eta 10 egun balioduneko epean, gehienez, erantzungo dira.

    Zuzenketa- eta konpentsazio-neurriak Zerbitzu Kartaren dokumentu osoan kontsulta daitezke.

ZERBITZU KARTAREN ARDURA DUEN UNITATEA

Euskara Kultura eta Kirol Saila/ Kultura Zuzendaritza Nagusia

Itzuli