Zerbitzu karta: BFAko hondartza-zerbitzua 2019-2020
-
Zerbitzu karta liburuxka IRAKURKETA ERRAZEAN: BFAko Hondartza-zerbitzua 2019-2020PDF, 547KB
-
BFAko hondartza-zerbitzua - Dokumentu teknikoa DOCX, 139KB
-
Konpromisoen betetze mailaPDF, 47KB
ESKAINTZEN DITUGUN ZERBITZUAK
-
1. Istripuei aurrea hartzea, sorospena eta laguntza
- Hondartzen erabilera eta gozamena ahalbidetzea, eta, horretarako, gerta daitezkeen istripuei aurrea hartzea sustatzea bainatzeko eremuak mugarriztatuz eta jagonez.
- Beharrezko baliabide materialak eta giza-arlokoak edukitzea istripurik gertatuz gero, erabiltzailearen salbamendu eta sorospenari ekiteko.
- Beharrezko baliabide materialak eta giza-arlokoak erabiliz, sorospena eta laguntza ematea erabiltzaileei, hondartzan edozelako jardueretan aritzeagatik ebakiak, intsektu eta arrainen ziztadak, zorabioak, digestio-etendurak eta abar gertatzen diren kasuetan.
-
2. Hondartzainak
- Beharrezko baliabide materialak eta giza-arlokoak edukitzea hondartzetan egiten diren zerbitzuei eta jarduerei buruzko kontrol- eta informazio-eginkizunak gauzatzeko, eta, horretarako, jagoletza-arloko ohiko ekintzak burutzea eta gerta daitezkeen gorabeherak jasotzea.
-
3. Hondartzak garbitu eta atontzeko zerbitzua
- Garbiketa egokia eta hondakinen gaikako bilketa selektiboa bermatzea.
- Hareatzak nibelatzea.
- Hondartzako azpiegitura jarri, mantendu eta kentzea, halako moldez non horren erabilera -eta funtzionamendu- egoera bikaina ziurtatuko den.
Zerbitzu karta osoa kontsultagarri duzu BFAko hondartza-zerbitzua - Dokumentu teknikoa (DOCX 139KB) eta www.bizkaia.eus/hondartzak webguneetan eta, bertan, zerbitzuei aplikagarri zaien araudia eta erabiltzaileen eskubideak eta betebeharrak kontsultatu ahal izango dituzu.
GURE KONPROMISOAK
-
KONPROMISO OROKORRAK
GURE KONPROMISOAK
- Hondartzetako ingurumen-balioen zaintza egokia eskaintzea erabiltzaileei, eta, ondorioz, arlo horri buruzko galderan asebetetze-inkestan batez beste 7´5etik gorako puntuazioa eskuratzea.
- Uda-sasoian webgunearen bidez egunero helaraziko zaie herritarrei ondorengo alderdiei buruzko informazioa: uraren kalitatea; sorospen-zerbitzua duten hondartzak; bainua lagunduta egiteko aukera; itsasaldien ordutegia; nola heldu hondartzetara; banderen kolorearen esanahia; hondartzen ziurtagiria; eguraldia; gorabeherei buruzko informazioa; hondartzez modu egokian gozatzeko aholkuak eta gomendioak; hondartzetako fauna eta flora.
NOLA NEURTZEN DITUGU
- Asebetetze-inkestan erabiltzaileen asebetetze-maila baloratuz, hondartzen kontserbazio-egoerari eta ingurumenalderdiei dagokienez.
- Webgunearen bitartez jakinarazitako informazioaren bitartez. - Informazioaren gaurkotze-epea aztertuz.
-
BAKARRIK 1 ETA 2 ZERBITZUENTZAKO KONPROMISOAK
GURE KONPROMISOAK
- Sorosle eta hondartzain guztiek oinarrizko euskara-maila edukiko dute, eta, ondorioz, asebetetze-inkestan arazoen %5 baino gehiago ez egotea gai horri lotuta.
NOLA NEURTZEN DITUGU
- Asebetetze-inkestaren emaitza aztertuz, hondartzako langileei euskaraz mintzatzean arazoren bat eduki dutela eta euskaraz komunikatzea ezinezkoa izan zaiela adierazi duten erabiltzaileen ehunekoari dagokionez.
-
KONPROMISO ESPEZIFIKOAK
1. Istripuei aurrea hartzea, sorospena eta laguntza
GURE KONPROMISOAK
- Erabiltzaileek sorosleen aldetik arreta eta tratu atsegin eta profesionala jasotzea eta, ondorioz, arlo horri buruzko galderetan asebetetze-inkestan batez beste 7,5etik gorako puntuazioa eskuratzea.
- Bainatzen ari direnean erabiltzaileen segurtasuna kontrolatzea sorosleak etengabe pasieran ibiliz, halako moldez non asebetetze-inkestan erabiltzaileen %90ek, gutxienez, adieraziko duten seguru sentitzen direla bainatzen ari direnean.
- Desorientatu diren umeen gurasoak aurkitzeko eskumutur-edota megafonia-sistemak erabiliko dira.
- Hondartzen erabiltzaileei megafonia dagoela jakinaraziko zaie eta sistema horren bidez komunikatuko zaizkie prebentzio-neurriak eta aholkuak, banderaren kolorea, uraren kalitatea, uraren eta giroaren tenperatura, baita itsasgoraren eta itsasbeheraren ordutegiak ere.
NOLA NEURTZEN DITUGU
- Asebetetze-inkestan erabiltzaileen asebetetze-maila baloratuz, sorosleen aldetik jasotako tratu atsegin eta profesionalari dagokionez.
- Asebetetze -inkestaren emaitzaren bidez, bainatzen ari direnean seguru sentitzen direla adierazten duten erabiltzaileen ehunekoari dagokionez.
- Desorientatu diren umeen gurasoak aurkitzeko helburuz erabilitako bideen bitartez.
- Megafoniaren bitartez igorritako mezuak erabiliz.
2. Hondartzainak
GURE KONPROMISOAK
- Erabiltzaileek hondartzainen aldetik arreta profesionala jasotzea eta, ondorioz, arlo horri buruzko galderetan asebetetze- inkestan batez beste 7,5etik gorako puntuazioa eskuratzea.
- Hondartzaren erabiltzaileak sostengatzea hondartzainak etengabe pasieran ibiliz, eta ondorioz, arlo horri buruzko galderan asebetetze-inkestan batez beste 7tik gorako puntuazioa eskuratzea.
NOLA NEURTZEN DITUGU
- Asebetetze-inkestan erabiltzaileen asebetetze-maila baloratuz, hondartzainen aldetik jasotako tratu atsegin eta profesionalari dagokionez.
- Asebetetze-inkestan erabiltzaileen asebetetze-maila baloratuz, herritarren segurtasunari (ebasketak eta lapurretak) dagokionez.
3. Hondartzak garbitu eta atontzeko zerbitzua
GURE KONPROMISOAK
- Hondartzen garbitasun-egoera egokia ziurtatzea erabiltzaileei eta, ondorioz, arlo horri buruzko galderan asebetetze-inkestan batez beste 7,5etik gorako puntuazioa eskuratzea.
- Hondartzako ekipamenduan kalterik gertatuz gero gehienez egun bateko epean aintzat hartu eta konponduko da (betiere materialen hornidurak konponketa baldintzatzen ez badu).
- Edukiontzi-kopuru nahikoa jartzea erabiltzaileen eskura, sor daitezkeen hondakinak bertan uzteko, eta, ondorioz, arlo horri buruzko galderan asebetetze-inkestan batez beste 7tik gorako puntuazioa eskuratzea.
- Dutxa-kopuru nahikoa jartzea erabiltzaileen eskura, eta, ondorioz, arlo horri buruzko galderan asebetetze-inkestan batez beste 7tik gorako puntuazioa eskuratzea.
- Uda-sasoian egunero-egunero aztertzea hondarrean dauden elementuak.
NOLA NEURTZEN DITUGU
- Asebetetze-inkestan erabiltzaileen asebetetze-maila baloratuz, hondartzaren garbitasun-egoerari dagokionez.
- Identifikatutako kaltea aintzat hartu eta konpotzeko erabiltzen den denbora-tartearen bitartez, kalteari buruzko jakinarazpena jasotzen den unean zenbatzen hasita.
- Asebetetze-inkestan erabiltzaileen asebetetze-maila baloratuz, paperontzi eta edukiontzi erabilgarrien kopuruari dagokionez.
- Asebetetze-inkestan erabiltzaileen asebetetze-maila baloratuz, dutxen kopuruari dagokionez.
- Hondarrean dauden elementuak aztertu diren aldiek planifikatutakoen zenbateko ehunekoa (%) osatzen duten analizatuz.
Konpromisoen adierazleen betetze-maila argitaratzen da urtero ondorengo webguneetan:
Konpromisoak ez betetzeagatik egin nahi den edozein kexa, erreklamazio edo iradokizun sorosleei eta hondartzainei beraiei jakinaraziz egin ahal izango da, baita, seccion.recuperacionambiental@bizkaia.eus, helbide elektronikoa, 944 068 000 telefonoa edo BFAk horretarako dituen kanalak erabiliz ere. Kexa, erreklamazio edo iradokizun guztiak gehienez 15 eguneko epean erantzungo dira (% 90tako kasuetan) eta 30 eguneko epean (geratzen den % 10tako kasuetan).
Zuzendu eta konpentsatzeko neurriak Zerbitzugutunaren dokumentuan kontsulta daitezke.
ZERBITZU KARTAREN ARDURA DUEN UNITATEA
Ingurumena Lehengoratzeko Atala/ Ingurumeneko Zuzendaritza Nagusia
- Rekalde Zumardia Kalea 30, 3.solairua.
- 48009- BILBAO
- Tel.: 944 068 000
- seccion.recuperacionambiental@bizkaia.eus
- www.bizkaia.eus/hondartzak