Berriak

Bizkaiko Foru Aldundiak bi zerbitzu-gutun berri argitaratu ditu, eta horien bidez Bizkaiko Foru Aldundiak gardentasunaren eta herritarren laguntzaren arloan hartu dituen konpromisoen berri ematen da. Bi gutun horien bidez (irailaren 28an ospatzen den Jakiteko Eskubidearen Nazioarteko Egunean argitaratu zirenak), Aldundiak Bizkaiko herritarrek jakiteko eta ulertzeko duten eskubidearekin duen konpromisoa indartzen du.

Egun horretan balioesten den administrazio publikoen informazioa jakiteko eta eskuratzeko eskubidea zein informazio horren kudeaketari buruzko informazioa argitaratzeko eskubidea, funtsezkoa da emandako zerbitzuei eta administrazio horien kudeaketa-ereduari buruzko herritarren ezagutza eta parte-hartzea errazteko. Alde horretatik, Bizkaiko Foru Aldundiak denbora asko darama geroz eta zorrotzagoak diren herritarrei eskaintzen zaizkien foru-zerbitzuen gardentasunean, parte-hartzean eta kalitatean oinarritutako kudeaketa aurreratuko eredua eraikitzen.

Gainera, jakitun izanik jakiteko eskubideak ulertzeko eskubidea berez eraman behar duela, foru-administrazioa bi lerrotan ari da lanean: alde batetik, Aldundiaren eta herritarren arteko komunikazioa errazago eta eskuragarriago egiten. Horretarako, langileak irakurketa errazaren eta hizkuntza argiaren esparruan trebatzen ari dira, arreta berezia jarriz arreta-postuetan dauden pertsonei, eta argitaratzen diren edukiak hizkuntza erraz eta irisgarri horretara eramaten ari dira. Bestalde, herritarrentzako arreta hobetu da, zerbitzuen pertsonalizaziora bideratutako administrazio inklusiboago bat lortze aldera.

Helburu horiek lortzeko urratsetako baten adibide gisa, Bizkaiko Foru Aldundiak arlo horretan hartu dituen konpromisoen berri ematen duten bi zerbitzu-gutun berri argitaratu ditu Aldundiak berak. Lehenik eta behin, Herritarrentzako Aurrez Aurreko Arreta Ez-espezializatuko Zerbitzuaren Gutuna, herritarren arretarako bulego-sarearen bidez ematen dituen zerbitzuen kalitatea hobetzeko konpromisoak jasotzen eta ebaluatzen dituena. Zerbitzu honen xedea da herritarren informazio- eta izapidetze-eskaerei erantzutea, eraginkortasun- eta kalitate-irizpideak erabiliz.

Era berean, Gardentasunaren eta Informazio Publikora Irispidea izateko Eskaeraren Ataria Zerbitzuaren Gutuna argitaratu da. Gutun hori, gainera, gardentasunaren, gobernu onaren, erantzukizunaren eta kontu-ematearen eredua garatzeko tresna da. Bizkaiko Foru Aldundiak lanean dihardu arlo horretan 2016. urteaz geroztik; hasiera batean, Gardentasunaren Hiru Urteko Planarekin (2017-2019) eta, gaur egun, Gardentasunaren eta Datu Irekien Foru Planarekin (2020-2022), Aldundiaren funtsezko kudeaketa-prozesuetako bat.

Azkenik, ulertzeko eskubidea bermatzeko konpromisoari eutsiz, gutun horiek eta horien aurrekoak irakurketa errazera egokitu dira, informazioa hobeto ulertzeko eta herritar guztiei Aldundiak zerbitzu horien inguruan hartzen dituen kalitate-konpromisoak ezagutzeko aukera emateko.

Zerbitzu-gutunak eskuragarri daude gardentasunaren atarian: www.gardentasuna.bizkaia.eus.