ZERBITZUAK ETA POLITIKA SEKTORIALAK

Bizkaiko Foru Aldundiak, gai bakoitzean eskumena duen sailaren bidez, zerbitzu-aukera zabala eskaintzen die hainbat kolektibori: desgaitasunen bat duten hiritarrei, langabezian daudenei, gazteei... eta webaren beheko aldean, "informazio osagarria" deritzon atalaren barruan, ageri diren lotuneen bidez irits daiteke laguntza horietara.

Zerbitzu publikoetako batzuk emakidadun edo kontzesionarioen bidez daude kudeatuta.

Jarduera administratiboetako batzuk ere esternalizatu egin dira.

Bizkaiko Foru Aldundiak indarrean dauzkan zerbitzuen kartak eskuragarri daude:

Atal honek Bizkaian herritarrei informazioa eta arreta eskaintzeko dauden zerbitzu nagusiak jasotzen ditu; zerbitzu horiek tokirik egokienak dira ingurumen, ekonomia, gizarte eta kulturari lotuta dauden alderdi guztietan sor daitezkeen galderak kontsultatzeko.

Atal honetan Laguntzak, Bizkaiko Foru Aldundiko herritarrenganako laguntza bideratzeko bulegoa, bideratutako kontsultei, kexei eta iradokizunei buruzko informazio estatistikoa aurkezten da.

PROZEDUREN, IZAPIDEEN ETA ZERBITZUEN KATALOGOA

Prozeduren, izapideen eta zerbitzuen katalogoa kontsultatzeko jo esteka honetara:

Prozedura administratiboen katalogoa

DOKUMENTU ELEKTRONIKOAK: EGOITZA ELEKTRONIKOA

https://www.ebizkaia.eus helbide elektronikoa da Bizkaiko Foru Aldundiaren egoitza elektronikoa, eta Foru Aldundiak herritarren eskura jartzen du internet bidez era guztietako kontsulta eta izapideak egiteko, betiere informaziorako sarbidean eta jardueren izapideetan segurtasun-berme guztiak egonda.

Egoitza elektronikoaren titulartasuna Bizkaiko Foru Aldundiari dagokio.

Egoitza elektronikoaren kudeaketa teknologikoa eta segurtasuna, berriz, Lantik, S.A. merkataritzako foru sozietateari dagozkio.

Egoitza elektronikoan eskainitako eduki eta zerbitzuen kudeaketa dagokien informazioaren titular diren foru sailen erantzukizuna da, eta administrazio elektronikoaren arloko eskumena duen foru sailari egokituko zaio eduki komunen kudeaketa.

 Egoitza elektronikoa

DOKUMENTUEN KUDEAKETA: BIZKAIKO FORU ALDUNDIAREN AGIRITEGI ADMINISTRATIBOA

Bizkaiko Foru Aldundiak automatizatuta dagoen Administrazio Agiritegi Orokorra eratu zuen, sailetako kudeaketa administratiboari dagozkion dokumentu-funts guztiak zentralizatzeko asmoz. Zentralizazio horrek ekarri zuen sailetako artxiboak desagertzea eta haien funtzioak Gangurengo Administrazio Agiritegi Orokorrak hartzea bere gain, funtzio horiek hobetzeko.

2016ko maiatzaren 10eko 86/2016 Foru Dekretuaren bidez Administrazio Agiritegi Orokorraren funtzionamendua eta antolaketa arautzen da.

Dokumentuen kudeaketari buruzko informazio guztia honako esteka honetan aurkitzen da:

Administrazio Agiritegi Orokorra

DOKUMENTUEN KUDEAKETA: BIZKAIKO FORU ALDUNDIAREN AGIRITEGI HISTORIKOA

Bizkaiko Foru Agiritegi Historikoaren (BFAH) helburua da Bizkaiko dokumentazio historiko guztia gordetzea, zaintzea eta jendearen eskura jartzea, dokumentazio horren jatorria eta euskarria edozein direla ere; helburu hori lortzeko muga bakarra da Legeak dokumentu historikoetarako eta haien kontsulta publikorako ezarritakoa.

Bizkaiko Foru Agiritegi Historikoa

LURRALDEAREN MUGAK ETA ENTITATEAK

Herri Administraziorako eta Erakunde Harremanetarako Foru Sailak Bizkaiko Lurralde Historikoari buruzko informazio zabala eskaintzen du, Udalnet-en estekaren   bitartez.

Eustat-ek (Euskal Estatistika Erakundea) euskal gizarteari eta ekonomiari buruzko informazio estatistiko ofiziala bildu, aztertu eta zabaltzeko zeregina du. Bada, erakunde horretan kontsultatu daitezke Bizkaiko udalerrietako biztanleei dagozkien zifrak.

• Udalen direktorioa
• Partzuergoen eta mankomunitateen direktorioa

LURRALDEAREN DATUAK ETA KOPURUAK

Atal honetan, Bizkaiari buruzko datuak eta kopuruak argitaratuko dira: biztanleen piramideak, per capita errenta, langabezia-tasa, baso-azaleraren %, nekazaritza eta abeltzaintzak ustiategien azaleraren %, lurraldeko turismoaren kopuruak eta herritar bakoitzeko batezbesteko gastua.

ERREPIDEEN KATALOGOA

Bizkaiko bide-sarearen plangintza gure Lurraldea Euskadiko eta Europar Batasuneko gainerako tokiekin konektatua egotea ziurtatzen saiatu behar da. Gainera, gure Lurraldearen bitartez europar ibilbideak lotzen dituen sarea kontserbatu eta hobetu behar ditu. Eta, noski, herritarrei irisgarritasun-maila egokiak bermatu behar zaizkie.

Martxoaren 24ko 2/2011 Foru Arauak Bizkaiko foru errepideen plangintza, proiekzioa, aldaketa, eraikuntza, kontserbazioa, finantziazioa, erabilera eta ustiapena arautzen ditu, bai eta alboko lurzoruaren erabileraren baldintzak eta mugak ere.

Bizkaiko errepideen sareari buruzko informazio guztia honako esteka honetan dago: Errepideen katalogoa

PROBINTZIAN EGINDAKO TXOSTENAK ETA AZTERLANAK

Atal honetan agertzen dira Bizkaian egindako zenbait Txosten, azterlan eta argitalpen.

Abagune ekonomikoa, enpresa, ekintzailetza, berrikuntza eta langabeziari buruzko Txostenak:

• Bizkaiko Abagune ekonomiko eta fiskala
• Barrixe (Bizkaiko Berrikuntza Behatokia)
• Bizkaiko Adinekoen Behatokia

Lurralde Planeamendua:

• Lurralde Plan Partzialak
• GIS: Lurralde Planeamendua

Berdintasuna:

• Txostenak eta argitalpenak
• GIS Berdintasuna: Desberdintasuna Bizkaian
• Bizkaiko Genero Indarkeriaren Behatokia: Txostena

Toki Ogasunei buruzko 5/89 Foru Arauaren 40. artikuluaren arabera (1996ko abenduaren 30etik 2003ko abenduaren 31ra arte indarrean egon zen testua), Bizkaiko Foru Aldundiak Obra eta Zerbitzuen Foru Plan bat eduki zuen, Udalkidetza izenekoa.

Plan hori Bizkaiko Foru Aldundiaren lurralde-politikarako tresna bat zen; beraren bitartez, udal autonomiarekiko errespeturik handienaz, handitu egiten ziren ekipamendu eta azpiegituretarako zuzkidurak, funtsean udalerriaz gaindiko esparrukoak, eta baterako jarduketak sustatzen ziren, zerbitzu publikoen horniduraren banaketa eraginkorragoa eta bidezkoagoa lortzearren. Honela ulertzen zen tresna hori: Bizkaiko Foru Aldundiaren jarduketa sektorialen edo lurralde-jarduketen multzo bat, udalerriaz gaindiko ekipamendu eta azpiegituren hornidura xede zuena, eta Bizkaiko Lurralde Historikoko aurrekontuei buruzko foru arauetan garatu beharrekoa.

2004rako Aurrekontuei buruzko Foru Arauaren lehenengo xedapen gehigarriak aldatu egin zuen goian aipatutako 5/89 Foru Arauaren 40. artikulua, Udalkidetza - Obra eta Zerbitzuen Foru Planaren aipamen guztiak kenduz; beraz, Bizkaiko Foru Aldundiak gaur egun ez dauka plan hori.

Aldaketaren ondoren, 5/89 Foru Arauaren 40. artikuluak Udal Finantzaketarako Foru Funtsa (Udalkutxa) aurreikusten du. Horren helburua da, batetik, aurrekontuetan nekez aurreikus daitezkeen ezustekoak finantzatzea, bai eta Udalen Elkartea ere, eta bestetik, gainerako zenbatekoa urtero banatzen da Bizkaiko udalen artean, askotariko irizpideak aintzat hartuta.

2004. urtetik aurrera Bizkaiko Foru Aldundiak toki azpiegituren sustapenerako diru-laguntzen deialdiak egiten ditu.

Aldundiak Udalentzako Zerbitzuen Katalogoan bildu ditu toki erakundeei ematen dizkien laguntzak, diru-laguntzak eta laguntza-zerbitzuak.

Udal Zerbitzuen Katalogoan Bizkaiko Foru Aldundiko Sailek eta Entitate Foralek Bizkaiko udalerriei eskeinitako zerbitzu guztiak biltzen dira. Katalogo honetan agertzen dira diru-laguntza guztien zerrenda, aholkularitza eta asistentzia zerbitzuak eta beste zenbait zerbitzu.

Honako esteka honetan dago eskuragarri Udal Zerbitzuen Katalogoa .

Baita ere, Bizkaiko Foru Aldundiak udalerriei eskeintzen dieten zenbait zerbitzu bizkaia.eus web orriko Udalnet atalean biltzen dira.

Indarrean dauden Plan eta Programen ataleko ebaluazioak ikus daitezke jarraian: